Լիբանանի մէջ արաբերէն լեզուով պիտի ներկայացուի լիբանանահայ թատերագիր Արա Արծրունիի գործերէն մին: Այս մասին տեղեկութիւնը ներկայացուցած է «Մօնօ» թատրոնի վարչութիւնը:
Աղբիւրը նաեւ կը նշէ, որ Արա Արծրունիի մշակած «Մժեղը» գործի բեմադրութիւնը վստահուած է լիբանանահայ բեմադրիչ Յակոբ Տէրղուկասեանին:
Թեքսթը թարգմանած են Թոնի ֆարահ եւ Սարա Ապտօ, Ժոզէֆ Խուրի, Անժելա Խալիլ, Եարա Զախուր եւ Փաթիլ Գուլաճեան:
Նշենք, որ թատերգութիւնը թարգմանուած է նաեւ ֆրանսերէնի եւ անգլերէնի՝ Փաթիլ Գուլաճեանի եւ Եարա Զախուրի կողմէ:
Յիշեցնենք, որ Արա Արծրունին կը համարուի լիբանանահայ թատերգութեան ամենայայտնի վարպետներէն մին եւ ան յայտնի է իր ապսուրտի թատրոնի փայլուն գործերով: