Ծանր արկածի մը ենթարկուելէ ետք մահացած է լիբանանահայ երիտասարդ Քրիստափոր Օգնայեանը։
Այս մասին «Արեւելք» տեղեկութիւն ստացաւ հանգուցեալի մտերիմէն:
Մեր աղբիւրը նաեւ հաղորդեց, որ 28 տարեկան երիտասարդը մահացած է արկածի հետեւանքով, երբ բեռնատար կառք մը շուռ եկած է, որուն հետեւանքով ալ Քրիստափոր ծանր վնասներու ենթարկուելով մահացած է։
Նշենք, որ հանգուցեալը անդամ էր Մեծի Տանն Կիլիկիոյ Կաթողիկոսութեան երիտասարդական բաժանմունքին՝ ՀԵՀՈՄ-ին եւ կը համարուէր այդ միութեան աշխոյժ անդամներէն մին։