Սուրիոյ Արաբական հանրապետութիւն կատարած այցէն ետք Հայաստանի Սփիւռքի նախարար Մխիթար Հայրապետեան մեկնած է Լիբանանի Այնճար հայաւանը: Նախարարին դիմաւորած են աղուհացով, հայկական ջերմ հիւրընկալութեամբ: «Մեզի դիմաւորած են փոքրիկ Հայաստանի՝ Այնճարի մէջ»,- գրած է Մխիթար Հայրապետեան, աւելի ուշ իր ելոյթի ընթացքին նշելով, որ առաջին պահէն կը զգայ հայկական շունչը հեռաւոր Այնճարի մէջ, եւ իր անձը կը զգայ Հայաստանի մէջ:
Լիբանանի մէջ Մխիթար Հայրապետեան տարբեր հանդիպումներ կ'ունենայ համայնքի մէջ:
«Արեւելքի» տուեալներով Սփիւռքի նախարար Մխիթար Հայրապետեան պաշտօնական այց պիտի կատարէ նաեւ Եգիպտոս, ուր 25 սեպտեմբերին նախատեսուած է անոր հանդիպումը Եգիպտոսի վարչապետ Մուսթաֆա Մատպուլիի հետ: