23.09c
Երեվան
երք, ապր 16
Այսօր Պէյրութի մէջ իր մահկանացուն կնքած է լիբանանահայ երէց սերունդի արուեստագէտներէն` Զաւէն Խըտըշեանը։
Խըտըշեան (ծնած 1932 Պէյրութ), որուն քանդակները տարածուած են Լիբանանի տարբեր շրջաններու մէջ, կը վայելէր յարգանքը ոչ միայն տեղի հայկական համայնքին, այլ նաեւ Լիբանանի արուեստի շրջանակներուն եւ արուեստասէր հանրութեան։
Երկար տարիներ եղած է դասախօս Լիբանանի գեղարուեստից հիմնարկին մէջ եւ հոն եւս արժանի դարձած է երիտասարդ սերունդներու յարգանքին եւ ուշադրութեան։
Խըտըշեանի գլուխ գործոցը կը համարուի Մեծի Տանն Կիլիկիոյ Կաթողիկոսութեան Պիքֆայա գիւղաքաղաքին մէջ գտնուող ամառային նստավայրին մօտ կանգնեցուած յուշարձանը, որ ցայսօր ալ կը համարուի սփիւռքի մէջ Հայոց Ցեղասպանութեան յիշատակը պանծացնող ամէնէն ազդեցիկ եւ տպաւորիչ կոթողներէն մին։
Քանդագործը կը սերէր արուեստագէտներու ընտանիքէ մը եւ անոր եղբայրը՝ Վարուժան Խըտըշեան , կը համարուի լիբանանահայ թատրոնի կերտիչներէն մին։
Զաւէն Խըտըշեանին վերջին յարգանքը մատուցելու մանրամասնութիւնները պիտի ներկայացուին աւելի ուշ։
