Սուրիոյ Լաթաքիա ծովափնեայ քաղաքի բնակիչ Նիզար Ալի Պատր ծովեզերքէն հաւաքած փայլուն քարերը պազալտէ վահանակներու վրայ շարելով իւրայատուկ արուեստի կտորներ կը ստեղծէ:
«Սփութնիք» լրատուական գործակալութեան հետ զրոյցի ժամանակ արուեստագէտը պատմած է, թէ պատերազմի 7 տարիներու ընթացքին 25 հազար արուեստի կտոր ստեղծած է, որ բաւարար է, «Կինէս»ի մրցանանիշ գրանցելու համար:
Արուեստագէտը նշած է, որ իր առաջին պատկերը ստեղծած է պատերազմի արհաւիրքէն փախուստի դիմող քաղաքացիներու տեսարանէն ներշնչուելով, այնուհետեւ շարունակելով ստեղծագործել, իր աշխատանքներով մասնակցած է շարք մը միջազգային ցուցահանդէսներու, ինչպէս նաեւ վաւերագրական ֆիլմի մը նկարահանման:
Պատրի պնդմամբ, իր պատկերներու ազդեցութեամբ, Եւրոպայի մէջ բողոքի ցոյցեր կազմակերպուած են, Սուրիոյ մէջ խաղաղութեան վերականգնում պահանջելով: