Համացանցի ընկերային էջերուն տեսագրութիւն մը տարածուած է, որ ըստ շրջանառուող լուրերու, Շարմ Ալ Շէյխէն Լիբանան ուղեւորուող օդանաւին մէջ նկարուած է:
Տեսագրութեան մէջ նկատելի է ուղեւորներու սարսափն ու երեխաներու լացը այն բանէն ետք, երբ ուղեկցուհին կը յայտնէ, թէ օդանաւը անսարքութեան մատնուած է:
Տեսագրութեան մէջ ուղեւորներէն մէկը ուղեկցուհիին հանդիմանելու կ'ըսէ. «Հաւանաբար միասին մեռնինք, սակայն դուն մեզ եօթ անգամ սպանեցիր: Քու պարտականութիւնդ ուղեւորները հանդարտեցնել է, պէտք չէր երեխաներուն տեղեկացնէիր»:
Իր հերթին այլ ուղեւոր մը կը սպառնայ բողոք ներկայացնել ուղեկցուհիին դէմ, երբ Լիբանան հասնին:
Նշենք, որ տեսագրութեան նկարահանման օրն ու ժամը նշուած չեն: