Ֆրանսայի մաքսային ծառայութիւնը համագործակցութեամբ իր սպանացի ընկերնեուն հետ, գրաւած է Սուրիոյ նախագահ Պաշար Ասատի հօրեղբօր Սպանիոյ մէջ գտնուող գոյքը, որ կը գերազանցէ 600 միլիոն եւրօն:
Ֆրանսական «Le Figaro» թերթը կը հաղորդէ, որ գրաւուած է Ռիֆհաթ Ասատին եւ անոր հարազատներուն պատկանող, Սպանիոյ Մարիպա քաղաքին մէջ գտնուող մօտ 503 կառոյց, որոնք համարժէք են 600 միլիոն եւրօի: Ան նշած է որ խօսքը հիւրանոցներու, ճաշարաններու եւ շքեղ ունեցուածքներու մասին է:
Սպանիոյ Ազգային Արդարադատութեան խորհուրդը անցեալ տարուան ապրիլին Ռիֆհաթ Ասատի կողմէ դրամի լուացման մասին հետաքննութիւն բացած էր: Այդ ընթացքին Սպանիոյ իշխանութիւնները 16 անձի եւ 76 հաստատութիւններու դրամատնային հաշիւները սառեցուցած էր, որոնք կապուած եղած են Սուրիոյ նախագահի հօրեղբօր անունին հետ: