15.09c
Երեվան
շբթ, ապր 20
Սուրիական պատերազմի հետեւանքով վերջին տարիներուն Երեւան հաստատուած 7 սուրիահայ գործարարներ գործնական այցելութիւն կատարած են Գերմանիոյ Դաշնային հանրապետութիւն, ուր անոնք հնարաւորութիւն ունեցած են այցելելու գերմանական ընկերութիւններ եւ արտադրամասեր, ծանօթանալու տարբեր ոլորտներուն մէջ գործադրոող ճարտարարուեստական արդիական միջոցներուն:
Անոնք նոյնպէս ներկայացուցած են իրենց արտադրանքը՝ նպատակ ունենալով հաստատել գործնական կապեր եւ հնարաւոր համագործակցութիւն ծաւալել գերմանական կողմի հետ:
Նշենք, որ սուրիահայերու Գերմանիա այցը կազմակերպուած էր GIZ-ի «Սուրիահայերու տնտեսական ընդելուզումը Հայաստանի մէջ» ծրագրի շրջածիրէն ներս:
Սուրիահայ գործարարները հանդիպումներ ունեցած են Ֆրանքֆորթի հայ համայնքի ներկայացուցիչներու հետ եւ Պերլինի մօտ ՀՀ դեսպան Աշոտ Սմբատեաի հետ, որ իր հերթին շեշտած է այս ծրագրի կարեւորութիւնն ու արդիւնաւէտութիւնը:
Դեսպանութիւնը յառաջիկային նոյնպէս պիտի փորձէ աջակցիլ խումբի ներկայացուցիչներուն Գերմանիոյ մէջ յետագայ հնարաւոր համագործակցութիւն ու կապեր ձեռք բերելու նպատակով:
