14.09c
Երեվան
շբթ, ապր 20
Թուրքիոյ Ռիզէ քաղաքը գտնուող Թուրքիոյ նախագահ Էրտողանի անուան համալսարանի հանրակացարանէն ներս զանգուածային թունաւորման դէպք արձանագրուած է:
Ըստ թրքական «Cumhuriyet» թերթի կայքին, 12 դեկտեմբերին ճաշէն ետք ուսանողներուն մօտ առողջական գանգատներ նկատուած են, մասնաւորապէս փորացաւ եւ գլխապտոյտ:
Թունաւորման կասկածանքով 473 ուսանող տեղափոխուած են հիւանդանոցներ:
Համալսարանի ղեկավարութիւնը յայտնած է, որ ըստ նախնական ախտորոշման՝ ուսանողներուն մօտ նկատուած է սննդային թունաւորում, սակայն ուսանողներու կեանքին վտանգ չի սպառնար:
Աղբիւրը կը նշէ, որ տեղի ունեցածի կապակցութեամբ սկսած է հետաքննութիւն:
