Հայաստանի մասին սփյուռքահայի պատկերացումների ու իրականության բախումը. Ռոստոմ Գույումջյան... Ամենայն Հայոց Կաթողիկոսը հանդիպում ունեցավ ՀՀ վարչապետի պաշտոնակատարի հետ... Եգիպտոսի Մշակույթի առաջին կին նախարարը հայտնի ֆլեյտահարուհի է... 80 տարի առաջ Էջմածնում սպանված կաթողիկոսը...
Դատական հայց է ներկայացվել քահանայի դեմ, որ վիրավորել է Հայոց Ցեղասպանության զոհերի հիշատակը
Դատական հայց է ներկայացվել քահանայի դեմ, որ վիրավորել է Հայոց Ցեղասպանության զոհերի հիշատակը
03 December 2017 , 20:30

akhaltskha.net-ի մեր գործընկերներից տեղեկանում ենք, որ Ախալցխայի շրջանի Ծղալթբիլա գյուղի բնակիչները հոկտեմբերի 18-ին հայց են ներկայացրել Վրաստանի դատախազություն՝ ընդդեմ իրենց քահանայի։ Ծղալթբիլան Ախալցխայի շրջանի հայաբնակ կաթոլիկ գյուղ է, որտեղ 25 տարի է՝ ծառայության է ուղարկվել կաթոլիկ եկեղեցու ներկայացուցիչ Հայր Անատոլի Իվանյուկը:  Գյուղացիների խոսքերով, դատական հայցն  ընդդեմ կաթոլիկ եկեղեցու վարդապետ Անատոլի Իվանյուկի, կազմված է երեք մեղադրանքներից՝ հին սրբապատկերի յուրացում կամ վնասում, մանկապղծություն եւ անբարո վերաբերմունք ու վիրավորանքներ ծղալթբիլեցիների նկատմամբ։

 


Անատոլի Իվանյուկը 

 

«Մեր եկեղեցում Էրզրում քաղաքից բերված մի հին ու արժեքավոր սրբապատկեր կար, որի վրա պատկերված էր Տիրամայրը՝ մանուկ Փրկիչը գրկում։ Այդ նկարում Տիրամոր ձեռքերը եւ ոտքերը պատված էին արծաթով։ Իսկ պսակը ոսկով էր պատված։ Տարիներ առաջ առանց մեր գյուղի հասարակությանը հաշվի առնելու, հոգեւորական Անատոլի Իվանյուկը սրբապատկերը Մոսկվա  տարավ եւ եկեղեցի վերադարձրեց նման մի նկար, որը ավելի շատ նման է վատ պատրաստված բնօրինակի, որում բացակայում են արծաթե ձեռքերը, ոտքերը եւ ոսկուց պատրաստված պսակները, ինչպես նաեւ շատ ուրիշ մասեր։ Կան մարդիկ, որոնք հաստատում են, որ իրական սրբապատկերը վաճառվել է։ Մենք այս առիթով պահանջում ենք, որ անցկացվի անկախ փորձաքննություն եւ ամեն ինչ պարզվի, քանի, որ նկարը շատ մեծ հոգեւոր արժեք ունի մեզ համար»,-կայքին ասել է Ծղալթբիլայի բնակիչ Հովհաննես Դարբինյանը:  

Ըստ 85-ամյա Հովհաննես Դարբինյանի, կան բազմաթիվ տուժածների վկայություններ, որոնք խոսում են մանկապղծության եւ բռնության դեպքերի մասին։

Նա նաեւ պատմել է, որ այդ ամենից բացի ազգությամբ լեհ Անատոլի Իվանյուկը բազմաթիվ անգամ անմարդկային վերաբերմունք է դրսեւորել  գյուղի բնակչության նկատմամբ՝ պատարագի քարոզների ժամանակ  մարդկանց անասուններ անվանելով։  Հոգեւորականը նույնիսկ այնպիսի արտահայտություններ  է արել,  որոնք վիրավորում են Հայոց Ցեղասպանության զոհերի հիշատակը։ «Պատարագի քարոզների ժամանակ ասել է՝ ոչ թե մեկ միլիոն ու կես պետք է սպանեին թուրքերը, այլ ամբողջ ցեղը պետք է սպանեին, որ մի հատ հայ չմնար»,-պատմում է Հովհաննես Դարբինյանը։ Akhaltskha.Net-ի հարցին, թե այդ արտահայտությունների ժամանակ ինչո՞ւ ժողովուրդը ձայն չի հանել,  Հովհաննես Դարբինյանը պատասխանել է, որ  մարդիկ վախենում են նրա անեծքներից ու վրեժխնդրությունից։


 


 

Մեկ այլ ծղալթբիլեցի կին, որը չցանկացավ անունը հրապարակել պատմում է, որ իրենց նկատմամբ այդ հոգեւորականը  չափազանց վիրավորական ու ամոթալի բառեր է օգտագործել։ Նրա խոսքերով, նա նաեւ խորհուրդներ է տվել, որոնք վայել չեն ոչ միայն հոգեւորականին, այլ  ցանկացած նորմալ մարդու։

Գյուղի բազմաթիվ բնակիչների խոսքերով, իրենց հոգեւորական Անատոլի Իվանյուկը շատ հաճախ հրաժարվում է կնունք եւ թաղում իրականացնել այն անձանց ընտանիքի անդամների համար, որոնք բողոքել են կամ դեմ են եղել վարդապետի վերոնշյալ արարքներին։

Ըստ ծագումով ծղալթբիլեցի հայր Հովսեփ Մելիքսեթյանի, առնվազն 10 քահանա գրավոր կամ բանավոր կերպով դիմել է եկեղեցական ղեկավարությանը՝ Անատոլի Իվանյուկի անվայել վարքի վերաբերյալ, սակայն բողոքները մնացել են անպատասխան:

«Փաստացի բոլոր տուժողները, որոնք սեռական կամ այլ բնույթի բռնությունների պատճառով  վերջին տարիներին գրել են մինչեւ Վատիկան, մնացել են առանց որեւէ պատասխանի եւ արդյունքում, արդեն 27 տարի ժողովուրդը զրկված է լիարժեք հոգեւոր խնամքից ու  հարգալի վերաբերմունքից իրենց ժողովրդապետի կողմից»,- ասում է ծագումով ծղալթբիլեցի հայր Հովսեփ Մելիքսեթյանը:

Ծղալթբիլեցիների խոսքերով, չնայած բոլոր փաստերին,  Անատոլի Իվանյուկը  մեծ աջակցություն ու համակրանք ունի կաթոլիկ եկեղեցու վերին օղակների կողմից:  Այդ պատճառով բազմաթիվ անարդյունք նամակներից եւ դիմումներից հետո, որոնք ուղղված էին կաթոլիկ եկեղեցու առաջնորդ՝ Ռաֆայել արքեպիսկոպոս Մինասյանին ու այլ մեծավորների, ժողովուրդը որոշում է ընդունել դիմել Վրաստանի դատախազությանը։

 

Լրահոս
Ամենաընթերցվածը
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture