Ատրպէյճանի նախագահ Իլհամ Ալիեւը յայտարարած է, որ երկարաժամկէտ խաղաղութեան հաստատումը կախուած պիտի ըլլայ Լեռնային Ղարաբաղի մէջ ռազմական գործողութիւններու աւարտէն ետք ստեղծուած իրավիճակի ճիշդ գնահատականէն:
«Ատրպէյճանը վերականգնած է միջազգային իրաւունքը, գործնականօրէն նոր իրողութիւններ ստեղծած է տարածաշրջանին եւ աշխարհի մէջ: Կը կարծեմ, որ տարածաշրջանին մէջ երկարաժամկէտ խաղաղութեան եւ կայունութեան հաստատման հնարաւորութիւններու օգտագործումը մեծամասամբ կախուած պիտի ըլլայ տարածաշրջանի երկիրներու, խոշոր պետութիւններու կողմէ այդ իրողութիւններու ճշիդ գնահատումէն»,- ТАСС գործակալութեան փոխանցմամբ՝ ըսած է Ալիեւը «Նիզամի Կեանճաւիի միջազգային կեդրոնի» համանախագահ, եգիպտացի գիտնական եւ քաղաքական գործիչ Իսմայիլ Սերակ ալ-տինի հետ տեսակապի ժամանակ:
Ալիեւի խօսքով՝ «Ատրպէյճանն այսօր պատրաստակամութիւն կը դրսեւորէ փակելու թշնամանքի, ատելութեան եւ դիմակայութեան էջը»: Վերջինս աւելցուցած է, որ իրենք արդէն անցած են տարածաշրջանի վերականգնման գործընթացի իրականացման:
Միացիր մեզ Տելեգրամում
Միացիր մեզ Յութուբում
Կիսուիլ