image
Հրատապ լուրեր:

Մահացած է Եգիպտահայ գաղութի հանրայայտ գործիչներէն ՝ բժիշկ Գէորգ Մազլումեան

Մահացած է  Եգիպտահայ   գաղութի   հանրայայտ գործիչներէն  ՝ բժիշկ Գէորգ Մազլումեան

Օրերս   յետ  կարճատեւ հիւանդութեան  Գահիրէի  մէջ իր մահկանացուն կնքած է համայնքի  հանրայայտ  գործիչներէն  տօքթ.   Գէորգ Մազլումեան։

 

 Այս  մասին «Արեւելք» տեղեկութիւն ստացաւ   Գահիրէյի իր աղբիւրէն։

 

 Մեր աղբիւրին հաղորդմամբ  երկար տարիներ թեմական կեանքին մէջ մասնակցութիւն  ունեցած  բժիշկը   սիրուած ու փնտռուած  բժիշկ էր բոլորին համար։

 Տարբեր  պայմաններէ անցած,    Գահիրէի   պատմական համայնքին մէջ իր յարգուած եւ ուրոյն  տեղն ունեցող  բժիշկ  Գէորգը  իր կարելիութեան սահմաններուն մէջ օժանդակութեան ձեռք մեկնած է բոլորին։

 

 Եղած է խիզախ  հայ, նուիրեալ  հայր եւ երկար տարիներ ալ  պատասխանատու պաշտօններ զբաղեցուցած  Գահիրէի  ՀՄԸՄ-ի «Արարատ» վարչութեան, ինչպէս նաեւ թեմական խորհուրդէն ներս։

 Որպէս  մասնագէտ բժիշկ  ան տարբեր առիթներով   Եգիպտոսի  պետական մարմիններու      խորհրդատւութեամբ մեկնած է ԱՄՆ  եւ  մասնագիտանալէ ետք  ուրոյն   դեր ունեցած  Եգիպտոսի   «Թմարմիջոցներու  դէմ  պայքար եւ բուժման» պետական    գրասենեակին մէջ։

 

Նշենք, որ Տօքթ. Մազլումեան հայրն է թերթիս   բարեկամներէն     Եգիպտոսի Հայ Դատի մարմնի  ատենապետ ՝ Տօքթ. Արմէն Մազլումեանին, որուն  ալ կը  փոխանցենք մեր խորազգաց  ցաւակցութիւնները։