17.09c
Երեվան
հնգ, ապր 18
83 Տարեկան հասակին Պէյրութի մէջ մահացած է Լիբանանցի երաժիշտ եւ յօրինող Էլիաս Ռահպանի։
«Արեւելք» այս մասին տեղեկութիւն ստացաւ համացանցէն։
Ռահպանի, շաբաթ մը առաջ վարակուած էր «Քորոնա» վարակով։
Արուեստագէտին մահուան բօթը հաղորդած է լիբանանցի անուանի երգչուհի Քարոլ Սամահա, որուն կարգ մը երգերուն երաժշտութեան հեղինակն է Ռահպանին։
Նշենք, որ առաջին անգամ 1972 -ին (անոր առաջին սկաւառակը կոչուած է ՝ «Արեւելքի մոզայիք») երկրի երաժշտական ոլորտին մէջ իր արուեստի յայտը ներկայացուցած Ռահպանին հեղինակ է երկու հազարէ աւելի երգերու եւ երաժշտական կտորներու։
Արեւելեան ոգին եւ արեւմուտքի արդիականութեան շունչը իր գործերուն միախառնած Ռահպանին երգեր գրած է Լիբանանցի եւ արաբ մեծ աստղերու ինչպիսին են՝ Ֆէյրուզը, Սապահը, Ուատիհ Ալ Սաֆին, Մըլհէմ Պարաքաթը, Մաժիտա Ալ Ռումին եւ շատ ուրիշներ։
Իլիաս Ռահպանիի շիջումով կը փակուի Լիբանանեան երգարուեստի ոսկեայ օղակ համարուող Ռահպանի եղբայրներու ոսկեայ էջը, որ երկար ժամանակով կը համարուէր արաբական աշխարհի երաժշտութեան եւ երգարուեստի առաջատար։
Աւարտին յիշեցնենք, որ Ռահպանի մեծ համակրանք եւ սէր ունեցած է հայութեան հանդէպ եւ գործակցած լիբանանահայ արուեստի գործիչներու հետ։
