19.09c
Երեվան
ուրբ, ապր 19
Ստեփանակերտի մէջ ելեկտրական եւ կազի մատակարարումը վերականգնուած է 95 տոկոսով, ռուս խաղաղապահներու օժանդակութեամբ, կը հաղորդէ Ռուսաստանի պաշտպանութեան նախարարութիւնը:
«Քաղաքի ելեկտրական եւ կազի մատակարարումը վերականգնուած է 95-97 տոկոսով: Քաղաքի ելեկտրական ենթակայանը վերականգնուած է: Ռուսաստանի պաշտպանութեան նախարարութեան ականազերծման գործողութիւններու միջազգային կեդրոնի զինծառայողները ուսումնասիրած են պայթուցիկներու առկայութիւնը վերանորոգման եւ վերականգնման աշխատանքներու վայրերուն մէջ, ներառեալ երկու դպրոցներու շէնքերը, ուր ուսումնական գործընթացքը մօտ ժամանակներուն կը վերսկսուի », – ըսուած է նախարարութեան յայտարարութեան մէջ:
Աւելի վաղ, Ստեփանակերտի մէջ վերականգնուած էր հասարակական փոխադրամիջոցի աշխատանքը եւ կարգաւորուած երթեւեկութիւնը:
