Թուրքիոյ նախագահ՝ Թայէպ Էրտողան յայտարարած է, որ Եւրոպան «կը պատրաստէ իր վերջը»՝ «իսլամներուն դէմ ճակատ բանալով», կը հաղորդէ «ՌԻԱ Նովոսթին»:
Թուրքիոյ առաջնորդը այդ յայտարարութիւնը ըրած է չորեքշաբթի օրուայ Պերլինի Մեւլեանա մզկիթին մէջ իսլամական աղօթքի ժամանակ գերմանական ոստիկանութեան կատարած գործողութիւնը մեկնաբանելով: Ըստ Sabah թերթին, ատոր մասնակցած են շուրջ 150 ոստիկաններ, որոնք կօշիկներով քալած են աղօթքներու գորգերուն վրայ:
«Եւրոպական ֆաշիզմը նման յարձակումներ իրականացնելով քաղաքացիներ (եւրոպական երկիրներու) համարուող իսլամներու իրաւունքներուն վրայ, մտած է նոր փուլ: Եւրոպան կը պատրաստէ իր վերջը այն ճակատով, որ բացած է իսլամներուն դէմ: Եթէ անոնք հնարաւորինս արագ չազատին անկէ, ապա այդպիսի հիւանդութիւնը կ'աւերէ Եւրոպան ներսէն»,- ըսած է Էրտողան Կայսերի (Կեսարիա) քաղաքին մէջ ելոյթի ժամանակ, որու հեռարձակումը կատարուած է նախագահի Twitter-ով: