Տխուր միջադէպ մը արձանագրուած է Լոս Անճելոսի մէջ. զոհուած է ամերիկաբնակ Հայկօ Նալպանտեանը։
Այս մասին «Արեւելք» տեղեկութիւն ստացաւ Միացեալ Նահանգներէն եւ մեր աղբիւրին ունեցած նախնական տուեալներով Հայկօ Նալպանտեան զոհուած է վէճի մը հետեւանքով տեղի ունեցած դանակահարութեան պատճառով։
Դէպքին մասին այլ մանրամասնութիւններ չեն հաղորդուիր։
Կը նշուի, որ Հայաստանցի ծնողներու զաւակ Հայկօ Նալպանտեանը ծնած էր Լոս Անճելոսի մէջ։
Անոր անունը քաջ յայտնի է երաժշտական ասպարէզի մէջ եղող շրջանակներուն համար, ուր Հայկոն հանդէս կու գար, որպէս հմուտ եւ վարպետ թմբկահար։