Այս տարի պիտի չցայտեն Երեւան քաղաքի եւ մնացեալ մարզերու շատրուանները, անոնք պիտի չգործեն մինչեւ համաճարակը վերանայ: Այս մասին ըսած է Երեւանի քաղաքապետի մամլոյ խօսնակ Յակոբ Կարապետեանը:
Ան նշեց, որ այդ մէկը պայմանաւորուած է պարէտի որոշմամբ:
«Քաղաքապետարանը մարտ ամսուան վերջը ստացած է ուղեցոյց՝ տարածքային կառավարման եւ ենթակառուցուածքներու նախարար Սուրէն Պապիկեանի ստորագրութեամբ, որուն կէտերէն մէկուն մէջ գրուած է «մինչեւ համաճարակային իրավիճակի վերջնական աւարտը կ'արգիլուի շատրուանային տնտեսութեան օգտագործումը»։
Կարապետեանի խօսքով որոշման հիմքերը բժշկագիտական տեսանկիւնէ արդարացի են, քանի որ այն վարակի տարածման միջոց է, կամ վտանգի գործօն։