image
Հրատապ լուրեր:

«Քորոնա»ի Տագնապ. Հայաստանի մէջ ժխտական ցուցանիշները կը շարունակուին

«Քորոնա»ի Տագնապ. Հայաստանի մէջ ժխտական ցուցանիշները կը շարունակուին

Հայաստանը տարածաշրջանին մէջ առաջատարն է ինչպէս 1 միլիոն շունչի հաշուով «Քորոնա» ժահրով վարակման, այնպէս ալ հիւանդութենէն մահացութեան ցուցանիշներով:

Ինչպէս կը վկայեն worldometers.info կայքի՝ իրական ժամանակի մէջ թարմացուող տուեալները, 28 յունիսի դրութեամբ 1 մլն բնակչութեան հաշուով «Քորոնա» ժահրով վարակման ցուցանիշը Հայաստանի համար կազմած է 8317, մահացութեան ցուցանիշը՝ 144:

Վերջին տուեալներու համաձայն՝ տարածաշրջանին մէջ 1 մլն շունչի հաշուով «Քորոնա» ժահրով վարակման ցուցանիշները ունին հետեւեալ տեսքը.

1. Հայաստան - 8317

2. Ռուսաստան – 4347

3. Իրան - 2651

4. Թուրքիա – 2339

5. Ատրպէյճան – 1620   

6. Վրաստան – 232

 

Տարածաշրջանին մէջ 1 մլն շունչի հաշուով «Քորոնա» ժահրէն մահացութեան ցուցանիշները այսպիսին են.

1. Հայաստան - 144

2. Իրան – 125

3. Ռուսաստան – 62

4. Թուրքիա – 60

5. Ատրպէյճան – 20  

6. Վրաստան – 4

 

Նշենք նաեւ, որ կայքի տուեալներուն համաձայն՝ Հայաստանը 1 մլն բնակչութեան հաշուով «Քորոնա» ժահրով վարակման ցուցանիշով ներկայ պահին կը գտնուի 11-րդ հորիզոնականին վրայ: Հայաստանին կը նախորդեն Չիլին, Պահրէյնը, Քաթարը, Ֆրանսական Կուինեան, Մայոթը, Անտորան, Սան Մարինոն, Վատիկանը, Քուէյթը, Փերուն: