13.09c
Երեվան
շբթ, ապր 20
Սփիւռքահայ յայտնի թարգմանիչ, երաժիշտ, գրադարանագէտ Պերճ Թիւրապեանը յայտնած է իր դստեր՝ Արուսեակ Թիւրապեանի մահուան մասին: Երիտասարդ կնոջ մահը ցնցած է հարազատները.
Արուսեակ Թիւրապեանի ողբերգական մահուանն անդրադարձած է Նիւ Եորքի մամուլը: Մասնաւորապէս, New York Daily News-ը գրած է, որ 1 մայիսին, Նիւ Եորքի արուարձանին մէջ, ովկիանոսի ափին յայտնաբերուած է երիտասարդ կնոջ դի: Աւելի ուշ պարզուած է անոր ինքնութիւնը՝ հայ Արուսեակ Թիւրապեան, որ անհետացած էր տունէն, մինչ այդ յայտնելով կեանքէն հեռանալու իր ցանկութեան մասին: Ընտանիքի անդամներէն մէկը New York Daily News-ին յայտնած է, որ կատարուածը շատ ծանր է ընտանիքի համար: Կայքը զետեղած է Արուսեակ Թիւրապեանի լուսանկարը՝ նշելով, որ ան ընկերային ցանցի մէջ մահանալէն օրեր առաջ ծովափին առնուած լուսանկար մը տեղադրած է, որուն մէջ կը ժպտայ:
Usareally-ն ու ամերիկեան այլ կայքեր յայտնած են, որ կնոջ մարմինը նկատած է Նիւ Եորքի Քուինս թաղամասին յարակից ովկիանոսամերձ ափին առաւօտ շուտ զբօսնող տղամարդ մը:
Արուսեակ Թիւրապեանը ծնած է Երեւան, փոքր տարիքին ծնողներուն հետ տեղափոխուած է ԱՄՆ, ամուսնացած էր, ունէր երեխայ: Անոր մայրը յայտնի հայ գրող Խաչիկ Դաշտենցի դուստրն է՝ հայագէտ Անահիտ Դաշտենցը:
