15.09c
Երեվան
շբթ, ապր 20
Լիբանանի ներքին գործոց նախարարութեան կարգադրութեամբ այսօրուընէ սկսեալ գործադրութեան պիտի դրուի յատուկ ընթացակարգ մը, որուն հիմամբ քաղաքացիական ինքնաշարժները եւ կառքերը իրաւունք պիտի ստանան երկրով մէկ շրջագայելու։
Այս մասին լուրը հաղորդեց VDL կայանը, նշելով, որ ինչ ալ ըլլան պատճառները այսուհետեւ զոյգ համար կրող ինքնաշարժները իրաւունք պիտի ունենան շրջագայելու ՝ երեքշաբթի, հինգշաբթի եւ շաբաթ օրերը, իսկ անզոյգ համարներ ունեցող ինքնաշարժները ՝ երկուշաբթի, չորեքշաբթի եւ ուրբաթ օրերը։
Կը նշուի նաեւ, որ կիրակի օրերը քաղաքացիներ իրաւունք պիտի չունենան շրջագայելու։
Աղբիւրը նաեւ կը նշէ, որ երկուշաբթի (այսօր) օրուընէ սկսեալ Լիբանանի ամբողջ տարածքին արդէն իսկ տեղադրուած են յատուկ անցարգելներ, ստուգելու համար հրապարակուած օրէնքին գործադրութիւնը։
Հրապարակուած օրէնքը քաղաքացիական ինքնաշարժներէն բացի կը վերաբերի նաեւ ինքնաթիռներներուն (մօթոսայքըլ) եւ մարդատար կառքերուն եւ բեռնատար ամէն չափի կառքերուն։
