image

Կորոնավիրուսից մահացած լիբանանահայի ընտանիքը բուժզննում է անցնում

Կորոնավիրուսից մահացած լիբանանահայի ընտանիքը բուժզննում է անցնում

 

Մարտի 25-ին Լիբանանում կորոնավիրուսից մահացած Պետիկ Օղկասյանի ընտանիքը լիբանանահայ համայնքի  «Կորոնայի ճգնաժամային շտաբի» ցուցումով և Կարմիր Խաչի օժանդակությամբ տեղափոխվել է  Ռաֆիկ Հարիրիի անվան հիվանդանոց՝ բուժզննումններ անցնելու: Այս մասին տեղեկանում ենք շտաբից:
Ռաֆիկ Հարիրիի հիվանդանոցը Լիբանանում ընտրվել է իբրև երկրում կորոնավիրուսով վարակված մարդկանց բուժման վայր: Օրեր առաջ  այդ հիվանդանոց էր տեղափոխվել նաև  46-ամյա Պետիկ Օղկասյանը՝ բարձր ջերմությամբ և այլ հարակից գանգատներով, նրա  մոտ հաստատվել է կորոնավիրուս, բայց կյանքը, ցավոք չի հաջողվել փրկել: «Կորոնայի ճգնաժամային շտաբից» տեղեկանում ենք, որ նրանց տանը կատարվել են համապատասխան ախտահանման աշխատանքներ: 
 Պետիկ Օղկասյանն ամուսնացած էր, ունի երկու երեխա: Նա Լիբանանում կորոնավիրուսից մահացած 6-րդ մարդն է և առաջին հայը: 

Լիբանանահայ համայնքին կորոնավիրուսի մասին իրազեկումներ կատարելու, անհրաժեշտ օգնություն տրամադրելու և համաճարակը հաղթահարելու համար վերջերս Լիբանանի ՀՅԴ-ի միջոցներով ստեղծվել է «Կորոնայի ճգնաժամային շտաբ», որը համայնքի մյուս կառույցների հետ միասին կատարում է շուրջօրյա աշխատանք: Շտաբն ուշադրության կենտրոնում է պահում հատկապես տարեցներին, կարիքավորներին և խոցելի խմբերում գտնվողներին: