ԱՄՆ Կալիֆորնիա նահանգի Լոս Անջելես քաղաքում տեղակայված «Սթեյփլս Սենթր» մարզահամերգային համալիրի առջև երեկվանից հավաքվում են հազարավոր երկրպագուներ, որոնք սգում են լեգենդար մարզիկ Կոբի Բրայանտի ողբերգական մահը: Ինչպես հայտնել ենք՝ ամերիկացի նախկին բասկետբոլիստը երեկ՝ հունվարի 26-ին, ԱՄՆ-ում զոհ է գնացել ուղղաթիռի վթարի: Ուղղաթիռը մարզիկի սեփականն էր, որով հաճախ էր տեղափոխվում: Զոհված ինը ուղևորների մեջ է եղել նաև Կոբի Բրայանտի 13-ամյա դուստրը, որ հետևում էր հոր մարզական քայլերին:
41-ամյա Կոբ Բրայանտը Բասկետբոլի ազգային ասոցիացիայի հնգակի չեմպիոն է։ Կարիերայի ամբողջ ընթացքում՝ 1996-ից հանդես է եկել «Լոս Անջելես Լեյքերսում»։
ԱՄՆ-ի հավաքականում կազմում դարձել է 2008թ․ Պեկինի եւ 2012թ․ Լոնդոնի Օլիմպիական խաղերի չեմպիոն։ Խաղերում դրսևորած արագության և ճկունության համար Բրայանտին կոչել են «Սև մամբա»: