image

Միլան-Երևան, Հռոմ-Երևան և Իտալիա այլ թռիչքներ կիրականացվեն ուշացումով

Միլան-Երևան, Հռոմ-Երևան և Իտալիա այլ  թռիչքներ կիրականացվեն ուշացումով

ՀՀ Քաղաքացիական ավիացիայի կոմիտեն տեղեկացնում է, որ Իտալիայի Օդային երթևեկության կառավարման որոշ արհմիությունների կողմից հունվարի 14-ին չորս ժամ տևողությամբ գործադուլ է հայտարարվել: Այն նախատեսվում է սկսել Իտալիայի ժամանակով ժամը 13:00-ից մինչև 17:00, որի ընթացքում մի շարք թռիչքներ չեղարկվելու են: Հաշվի առնելով այն փաստը, որ հունվարի 14-ին նախատեսվում է իրականացնել Ryanair ավիաընկերության առաջին թռիչքները դեպի Զվարթնոց օդանավակայան Իտալական Հռոմ և Միլան քաղաքներից, ուստի անհրաժեշտություն է առաջացել թռիչքները իրականացնել ուշացումներով, նախապես սահմանված չվացուցակի ապահովման անհնարինության պատճառով:

Համաձայն Ryanair ավիաընկերությունից ստացված տեղեկատվության՝

Միլան- Երևան FR4456 չվերթը Միլանի օդանավակայանից կմեկնի հունվարի 14-ին Միլանի ժամանակով ժամը 08:40-ին:

Երևան-Միլան FR4457 չվերթը Զվարթնոց օդանավակայանից կմեկնի հունվարի 14-ին տեղական ժամանակով ժամը 16:20-ին: ​

Հռոմ-Երևան FR4454 չվերթը Հռոմի օդանավակայանից կմեկնի հունվարի 14-ին Հռոմի ժամանակով ժամը 17:00-ին:

Երևան -Հռոմ FR4455 չվերթը Զվարթնոց օդանավակայանից կմեկնի հունվարի 15-ին տեղական ժամանակով ժամը 00:20-ին: ​ ​

Ուղեւորներին հորդորում ենք հետեւել Ryanair-ի կողմից ստացվող հաղորդագրություններին։

 

Քաղաքացիական ավիացիայի կոմիտե