Այսօր Շվեդիայում տոնում են այդ երկրի ամենասպասված տոնը՝ Լյուսիայի օրը: Տոնը դիմավորում են մոմավառության շքերթներով, սաֆրանի բլիթներով, քաղցրով համեմած ու եփած գինով և, ըստ լեգենդի, խոսող կենդանիներով:
Լյուսիան շվեդական 400-ամյա ավանդույթ է, որ, ըստ առասպելի, լուսավորում է մութ հյուսիսային ձմեռը. նա մի կին է, որ կուրացել և սպանվել է Հիսուսի հանդեպ իր հավատի համար: Ըստ ավանդության, Լյուսիան ապրել է միջնադարում, եղել է շվեդացի մի ձկնորսի կին: Մի անգամ, երբ ամուսինը մութ գիշերով գնացել է ձկնորսության, փոթորիկ է բռնկվել, փարոսը հանգել է և Լյուսիան լապտերներով դուրս է եկել՝ լուսավորելու սիրելիի ճանապարհը: Չար ուժերը բարկացել և սպանել են նրան, բայց, մահից հետո չեն մարել կնոջ ձեռքի լապտերները, որ լույս են տարածել: Օրը, Շվեդիայից բացի, նշում են նաև մի շարք կաթոլիկ և ավետարանական ուսմունքներ ունեցող երկրներում, ինչպես՝ Ֆինլանդիայում, Նորվեգիայում, Դանիայում, Սիցիլիայում, Իտալիայում, Լատվիայում: Այն ընտանեկան և եկեղեցական տոն է: