image
Հրատապ լուրեր:

Հայազգի ֆիլմարտադրող Սթիվըն Զաիլեանը «Կոլտըն կլոպ»ի թեկնածու

Հայազգի ֆիլմարտադրող Սթիվըն Զաիլեանը «Կոլտըն կլոպ»ի թեկնածու

Հայազգի սենարիսթ, բեմադրիչ եւ ֆիլմարտադրող Սթիվըն Զաիլեանը առաջադրուած է «Ոսկէ կլոպուս» մրցանակի։ «Արմէնբրես»-ի հաղորդմամբ՝ ան առաջադրուած է «Լաւագոյն սենարի համար» անուանակարգով։ 

2019-ին յայտնի բեմադրիչ Մարթին Սքորսեզէն Զաիլեանի սենարով նկարահանած է «Իրլանտացին» ֆիլմը Netflix-ի պատուէրով։ Ֆիլմը առաջադրուած է քանի մը անուանակարգով՝ այդ շարքին որպէս լաւագոյն ֆիլմ։ Ֆիլմին մէջ նկարահանուած են Ալ Փաչինոն, Ռոպերթ տե Նիրոն եւ այլոք։
Զաիլեանը ծնած է Ֆրեզնօ, Քալիֆորնիա: Անոր հայրը՝ Ճիմ Զաիլեանը, եղած է ռատիոլրագրող: Աւարտած է Սան Ֆրանսիսքոյի պետական համալսարանը (1975):

Հեղինակ է «Բազէն եւ Ձիւնեմարդը» (1985), «Արթնացումներ» (1990), «Փնտռել Պոպի Ֆիշերը» (1993, նաեւ՝ բեմադրիչ), «Շինտլըրի ցուցակը» (1994), «Անհնարին առաքելութիւն» (1996, նաեւ՝ բեմադրիչ), «Հաննիպալ» (2001), «Նիւ Եորքի աւազակախումբերը» (2002), «Թարգմանիչը» (2005), «Թագաւորի ողջ թիկնազօրը» (2006) եւ այլ ֆիլմերու սենարներ։

1994-ին արժանացած է «Օսքար» մրցանակի «Շինտլըրի ցուցակը» ֆիլմի սենարի համար։ Նաեւ երեք անգամ առաջադրուած է «Օսքար» մրցանակի «Արթնացումներ» (1990), «Նիւ Եորքի աւազակախումբերը» (2002) եւ «Թագաւորի ողջ թիկնազօրը» (2006) ֆիլմերու սենարներու համար։