Ցոյցերու սկիզբէն ի վեր ամէնօրեայ դրութեամբ 120 միլիոն տոլարի վնաս Լ Այսօր իր լրումին կը հասնի Լիբանանի բողոքի ցոյցերուն 30-րդ օրը՝ միամսեակը։
Ցոյցերու առաջին փուլին ամբողջութեամբ անդամալուծուած եւ աւելի ուշ մասամբ անդամալուծուած երկիրը ամէնօրեայ ձեւով տնտեսական մեծ վնասներու կ՚ենթարկուի։
Այս մասին կարեւոր տուեալներ ներկայացուցած է լիբանանցի տնտեսագէտ Ուալիտ Ապու Սլայմանը, նշելով, որ ցոյցերու սկիզբէն ի վեր երկիրը ամէնօրեայ դրութեամբ կը կրէ 120 միլիոն ամն տոլարի վնաս եւ ընդհանուր առմամբ այդ վնասներու ծաւալը հասած է 56 միլիառ ամն տոլարի։
Նշենք, որ հակառակ անոր, որ ցոյցի ալիքը նօսրացած է, երկրի տարբեր ոլորտներ ՝ առողջապահական, նաւթի մատակարարման, հացի եւ այլ ոլորտներ սկսած են յայտնուիլ մտահոգիչ վիճակի մը մէջ։