Անիկ Ստեփանեանը ծնած է Թեհրան: Տարրական կրթութիւնը ստացած է Թեհրանի Հայկազեան եւ Ժաննա տ'Արք դպրոցներուն մէջ: 1941 թուականին աւարտած է Թեհրանի համալսարանի ատամնաբուժական բաժինը: Ան առաջին կին ուսանողն էր, որ սրված է ատամնաբուժութիւն եւ յետագային ալ դարձած Իրանի առաջին կին ատամնաբոյժը:
Բժշկական գործունէութիւն ծաւալած է 1945-1970 թուականներուն՝ հօր` Յարութիւն Ստեփանեանի եւ եղբօր մօտ: Սակայն Անիկ Ստեփանեանը միակ հայ կինը չէ, որ առաջինը գործունէութիւն ունեցած է Իրանի մէջ. այստեղ տարբեր բնագաւառներու մէջ գործած կանանց մէջ մեծ թիւ կը կազմեն իրանահայերը.
Քլարա Աբգար - Իրանի առաջին մանրանկարիչ կինը
Սաթո Աղապապայեւ- երաժշտական ակադեմիական կրթութիւն ունեցած առաջին կինը
Զապէլ Ստեփանեան -Իրանի հեռագրասարքի վրայ աշխատած առաջին կինը
Լիլի Օփալ - Իրանի առաջին կին մարզիկը, որ մասնակցած է արտասահմանեան միջազգային մարզական մրցոյթներուն
Լիլիթ Տէրեան -Իրանի առաջին կին քանդակագործը
Ալենուշ Տէրեան -առաջին կին բնագէտը (ֆիզիքոս), որ յետագային բնագիտութեան դասախօս աշխատած է Թեհրանի համալսարաններուն մէջ
Նուարդ Մարտիրոս - Իրանի մէջ առաջին կինը, որ մեքենայ վարելու իրաւունք՝ վկայական ստացած է
Բերսապէ Յովսէփեան - Իրանի առաջին մանկապարտէզի հիմնադիրը
Լորեթա Հայրապետեան - Իրանի թատրոնի առաջին կին դերասանը
Վիքթորիա Օհանճանեան -Իրանի առաջին կին ճարտարապետը
Սաքինէ Փարի -Իրանի առաջին կին վիրաբոյժը: Անոր մայրը իրանահայ եղած է: Ծնած է Խորհրդային Միութեան մէջ (հաւանաբար Հայաստան): Ուսանած է ԽՄ-ի մէջ: 1934թ. վկայականներ ստացած է վիրաբուժութեան եւ քաղցկեղի հետազօտման բնագաւառներուն մէջ: Մէկ տարի անց անցած է Իրան ու բժշկութեամբ զբաղուելու իրաւունք ստացած է: