Անգարան թոյլ չի տար «ահաբեկչական միջանցք» ձեւաւորուի Սուրիոյ հետ սահմանին գտնուող անվտանգութեան գօտիին մէջ եւ կ'առաջարկէ այնտեղ «փախստականներու համար քաղաք» ստեղծել:
Այդ մասին յայտարարած է Թուրքիոյ նախագահ Ռեճէպ Թայէպ Էրտողանը՝ ամփոփելով Անգարայի մէջ Ռուսաստանի, Իրանի եւ Թուրքիոյ նախագահներու մասնակցութեամբ Սուրիոյ իրավիճակի կարգաւորման եռակողմ գագաթնաժողովի արդիւնքները, գրած է ria.ru-ն։
«Փախստականներու համար այնտեղ (Սուրիոյ սահմանամերձ տարածքին) պէտք է քաղաք ստեղծել, որպէսզի մարդիկ զբաղուին այգեգործութեամբ եւ հողագործութեամբ։ Ես իմ գործընկերնեուին բացատրած եմ, որ անհրաժեշտ է անոնց համար ենթակառուցուածքներ ստեղծել․ անհրաժեշտ է կանխել ահաբեկչական միջանցքի ձեւաւորումը»,-ըսած է Էրտողանը։