Երեւանի`Ազգային ժողովի դիմացէն մեկնարկած էր քայլերթ՝ յանուն Ամուլսարի պաշտպանութեան: Երթուղին եղած է՝ ԱԺ հանրային այգի, Բաղրամեան, Մաշտոց, Ամիրեան, Հանրապետութեան հրապարակ:
Հայկական բնապահպանական ճակատ (ՀԲՃ) նախաձեռնութեան ֆէյսպուքեան էջը յայտարարութիւն տեղադրած էր երթի մասին, ուր վերահաստատած էր Ամուլսարի պաշտպանութեան յանձնառութիւնը եւ յայտնած էր, որ այդ ուղղութեամբ պիտի գործադրեն բոլոր ջանքերը:
Բնապահպան Անի Խաչատրեանը նշած է, որ Ամուլսարի վերաբերեալ կառավարութեան որոշումները կ'ոտնահարեն յեղափոխութեան գաղափարները, ինչի ի պատասխան Արարատ Միրզոյեանը, որ ԱԺ-ի մուտքին մօտեցած էր ցուցարարներուն, ըսած է, որ համաձայն չէ: