Թուրքիոյ մէջ Ազգայնական շարժում կուսակցութեան նախագահ Տէվլեթ Պահճելին իր աջակցութիւնը յայտնած է Ռեճեփ Թայէպ Էրտողանին: Չնայած նաեւ նշած է, որ կը պնդէ իշխող «Արդարութիւն եւ զարգացում» կուսակցութեան մասին նախկինին իր ըսածները (ան սուր քննադատութիւններու ենթարկած էր Էրտողանը եւ իր կուսակցութեանը), կը փոխանցէ «Իհլաս» լրատուական գործակալութիւնը:
«Գորշ գայլերու» կուսակցութեան առաջնորդը յայտարարած է. «Կը պնդեմ այն, ինչ առաջ ըսած եմ «Արդարութիւն եւ զարգացում» կուսակցութեան մասին, սակայն Էրտողանին մինակ ձգելու հարցը այլ հարթութեան վրայ է: Պարոն նախագահին իյնալը կը նշանակէ ազգի, պետութեան իյնալը, այդ պատճառով մենք անոր կողքին ենք»:
Նշենք, որ Թուրքիոյ նախագահ Էրտողանին աջակցութիւն յայտնող «գորշ գայլերու» առաջնորդի կարծիքը սկսած են չկիսել հասարակութեան միւս անդամները: Երէկ «Եւրասիա» հանրային ուսումնասիրութիւններու կեդրոնի հրապարակած՝ 1-7 սեպտեմբերին կատարուած հարցման տուեալներով Էրտողանին աջակցողներուն թիւը նուազած է, եւ անոր կ՛աջակցին հարցուածներու ոչ աւելի քան 40%-ը:
Յիշեցնենք, որ ըստ MetroPOLL ընկերութեան հարցումներու տուեալներուն՝ նախորդ օգոստոս ամսուան Էրտողանի գործունէութեանը աջակցած է հարցուածներուն 44%-ը, եւ Էրտողանը 1 տարուայ ընթացքին կորսնցուցած է իր աջակիցներու մոտ 10%-ի վստահութիւնը: