image

Լիբանանցի գործարարը մեծ ծրագիր պիտի իրականացնէ Հայաստանի մէջ

Լիբանանցի գործարարը մեծ ծրագիր պիտի իրականացնէ Հայաստանի մէջ

Լիբանանցի գործարարը կ'ուզէ Հայաստանի մէջ 500 աշխատատեղ բանալ յանուն իր հայ կնոջ երեխաներուն: Ապու Ֆայսալի կինը հայ է։ Ան կ'ուզէ իր երեխաներուն համար գործ հիմնել Հայաստանի մէջ եւ 300 հեքթար ընկոյզի այգիներ տնկել։

Լիբանանի Gardenia Lebanese Farms ընկերութիւնը կ'ուզէ մինչեւ 2025-ը Հայաստանի մէջ տարեկան 8 հազար թոն ընկոյզ արտադրել։ Այս մասին «Sputnik Արմէնիա»ին ըսած է ընկերութեան հիմնադիր Նիկոլիա Ապու Ֆայսալը։ Ան կ'ուզէ բերքն արտահանել Ռուսաստան եւ այլ երկրներ։

Ըստ Ապու Ֆայսալի, ան Հայաստանը ընտրած է, որովհետեւ հոնկէ՝ Եւրասիական միութեան երկրէն, ռուսական շուկայ մուտքը դիւրին է, «բայց սա միակ պատճառը չէ»: Արաբ քրիստոնեայ Ապու Ֆայսալը ամուսնացած է Լիբանանցի հայուհիի հետ, անոր երեխաները կիսով չափ հայ են, հետեւաբար, Ապու Ֆայսալ մտածած է, որ լաւ կ'ըլլայ որ իր տղաքը  իրենց գործն ունենան Հայաստանի մէջ։

«Լիբանանի մէջ նոյնպես շատ լաւ պայմաններ կան գիւղատնտեսութեան համար, բայց կ'ուզենք նաեւ Հայաստանի մէջ աշխատիլ», — ըսած է գործարարը։

Առաջին ընկոյզները կը յայտնուին երկու տարի անց, բայց Ապու Ֆասյալն արդէն հիմա բարենպաստ հող կը ստեղծէ անոնց համար ուղիղ եւ փոխաբերական իմաստով։ Բոլոր այգիներուն մէջ կաթիլային ոռոգման համակարգ կը տեղադրուի։ Լուծուած է նաեւ բերքը վաճառելու հարցը։

«Մենք պայմանագիր կնքած ենք ամերիկեան «տիլըրի» հետ, որ մեր մթերքը պիտի գնէ։ Այսինքն ընկոյզը ծառերուն վրայ չի մնար, անհանգստանալու կարիք չկայ», — ժպտալով ըսած է ան։

Ընկերութիւնն արդէն 16 հազար ծառ տնկած է Երեւանէն ոչ հեռու (Եղուարդ քաղաքի մօտ) եւ վրացական սահմանին մօտ (Բագրատաշէն գիւղին մէջ)։ 300 հեքթար տարածքին մէջ կ'ուզեն 100 հազար ծառ տնկել։

Ապու Ֆայսալ տնկած էն աեւ փեքան, յունական ընկոյզ եւ մի քանի տեսակի ընկոյզի ծառեր։

Ծառերը լիարժէք բերք պիտի տան մինչեւ  2025-ը. բերքի տարեկան ծաւալը պիտի հասնի 8 հազար թոննի։ Կը նշանակէ` Հայաստանը պիտի դառնայ ընկոյզի ոչ մեծ, բայց նկատելի արտահանող, աւելցուցած է արաբ գործարարը։

Այգիներուն մէջ  հիմա ձմրան կ'աշխատին 50 մարդ, ամրան` 100։ Իսկ ժամանակի ընթացքին աշխատողներու թիւը կ'ուզեն հասցնել 500-ի։