image

Քիմ Քարտաշեանի նախնիները՝ Արտահանի գաւառէն, որ փրկուած են Ցեղասպանութենէն. Լուսանկար

Քիմ Քարտաշեանի նախնիները՝ Արտահանի գաւառէն, որ փրկուած են Ցեղասպանութենէն. Լուսանկար

 

 

Ամերիկեան հեռուստաստղ Քիմ Քարտաշեանի նախնիները հրաշքով փրկուած են Հայոց ցեղասպանութենէն եւ յայտնուած ԱՄՆ: Այս փաստին միջազգային մամուլը բազմիցս անդրադարձած է, գրելով, որ Քիմ Քարտաշեանի ապուպապերու ընտանիքը Արտահանի գաւառի Քարաքալա գիւղէն է: Անոնք, արդէն սկսած կոտորածներու պատճառով 19-րդ դարու վերջը լքած են գիւղն ու  ուղեւորուած Գերմանիա։

 



 

 

Քիմի ապուպապ Թաթոս Քարտաշեանը լքած է Քարաքալան 1913-ին։ Ան Գերմանիայէն տեղափոխուած է Ամերիկա, ուր նոր կեանք սկսած է:  Գաղթի ճանապարհը բռնած Թաթոս Քարտաշեանը չէր ալ պատկերացներ, որ հայոց ցեղասպանութենէն մէկ դար անց Քարտաշեան ընտանիքը ԱՄՆ-ի ամենայայտնի ազգանուններէն մէկը կը դառնար: 

 

Էրզրումէն հեռացածներու շարքին էր Քիմի միւս ապուպապ Յովհաննէս Միրոյեանը, որ ծնած էր 1844-ին։ Յովհաննէս Միրոեանը ամուսնացած է Լուսիա Չորպաճեանի հետ՝ 1867-ին, Էրզրումի մէջ: Անոնք Էրզրումէն փախած են դստեր՝ Վարդանուշի հետ:

 

 

 

 

Վարդանուշի աղջիկը՝ Հայկուհի Առաքելեանն է, որուն Հելէն ըսած են. ան ծնած է 1917-ին, ԱՄՆ-ի մէջ: Հելէնը Քիմի տատիկն է: Հելէնն Ամերիկայի մէջ ամուսնացած է Քարտաշեաններու տոհմէն Թաթոս Քարտաշեանի որդի՝ Արթուր Քարտաշեանի հետ, եւ անոնք սկսած են ԱՄՆ-ի մէջ միսի փաթեթաւորման ամենամեծ պիզնեսը։ Հելէնի եւ Արթուրի որդին՝ Ռոպերթը, որ յայտնի իրաւաբան էր, ամուսնացած է Քրիս Հոկթընի հետ: Ռոպերթ Քարտաշեանը մահացած է 2003-ին` ստամոքսի քաղցկեղի պատճառով։ Քիմի տատիկն ու պապիկը մահացած են Քալիֆորնիոյ մէջ 2008 եւ 2012 թուականներուն: 

 


 

Քիմ Քարտաշեանը տատիկի՝ Հելէնի հետ

 


Քիմ Քարտաշեանը տարուէ տարի աւելի կը մօտենայ իր արմատներուն. օրեր առաջ ան եւ քոյրը Էջմիածնի մէջ կնքած են իրենց երեխաները

 

 

Միջազգային մամուլը անդրադարձած է նաեւ, որ Քիմի նախնիներու գիւղին՝ Քարաքալայի մէջ, ինչպէս 100 տարի առաջ, այնպէս ալ հիմա, մարդիկ ձիերով եւ էշերով կ'երթեւեկեն:  Գիւղին մէջ հիմնական թուրքեր եւ քիւրտեր կ'ապրին: