• 230
• 08/08/2020

Պէյրութի մէջ. Վերջին հրաժեշտ Նազար Նաճարեանին

Պէյրութը  ցնցած        մեծ  պայթումին հետեւանքով նահատակուած  Նազար  Նաճարեանի      վերջին հրաժեշտի  արարողութիւնը տեղի ունեցաւ  այսօր Պէյրութի մէջ։

 Այս  մասին լուրը հաղորդեց  Mtv կայանը  նշելով նաեւ, որ      նահատակ  հայորդիի  յուղարկաւորութիւնը  եւ թաղման  կարգը  կատարուեցաւ Պէյրութի հայ կաթողիկէ  Սուրբ Եղիա   եկեղեցիին մէջ։  Թաղման  կարգին  նախագահած է Հայ  Կաթողիկէ Պատրիարք Ամենապատիւ եւ Գերերջանիկ Տէր Գրիգոր Պետրոս Ի. Կապրոյեան իսկ համայնքին անունով խօսք  արտասած է    Հայ Կաթողիկէ   համայնքի  Պէյրութի  Առաջնորդ  Արհի.  Տ. Ճորճ եպս. Ասատուրեան, որ  իր  հակիրճ  խօսքին մէջ անդրադարձած   հանգուցեալի նահատակութեան իմաստին, յոյս յայտնելով,  որ այս  ցաւը   կ՚ըլլայ լիբանանցիներուն վերջին ցաւը, հաւատալով  որ   այսպիսով  մօտալուտ կը դառնայ  Լիբանանի  ամբողջական յարութիւնը։ Գերապայծառ Ասատուրեան մասնաւորապէս ըսաւ՝«Նահատակութիւնը   ազատութեան  հաւատացողներու  ճանապարհն է.  Ան հերոս է. Ան  պարտականութեան   ճամբուն վրայ  նահատակուեցաւ իր տան մէջ,  որուն համար  հեռուներէն ետ  Պէյրութ   վերադարձաւ»։

 Նշենք, որ թաղման կարգին ընթացքին   խօսքերով հանդէս եկած են   հանգուցեալի որդիները, գաղափարի  ընկերները, ինչպէս նաեւ «Փաղանգաւոր»  կուսակցութեան նախագահ   երեսփոխան  Սամի Ժըմայէլ։

  Յուղարկաւորութեան արարողութեան ներկայ  գտնուած են նախկին նախագահ Ամին Ժըմայէլ,  Լիբանանի մօտ ՀՀ Արտակարգ եւ Լիազօր դեսպան ՝  Վահագն Աթաբէկեան,  Լիբանանի ՀՅԴ Կեդրոնական Կոմիտէի ներկայացուցիչ Յակոբ  Բագրատունի,  Մեծի Տանն Կիլիկիոյ Կաթողիկոս  Ն.Ս.Օ.Տ.Տ.  Արամ Ա. Կաթողիկոսի ներկայուցիչ   Լիբանանի Թեմի Առաջնորդ Տ. Շահէ  եպս. Փանոսեան,  ինչպէս նաեւ մեծ  թիւով քաղաքական, կրօնական եւ հասարակական գործիչներ։

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսուիլ