image

Սուրիոյ տնտեսութեան մեծ հարուած. Ամերիկեան Տոլարը հասաւ 2000 -ի սեմին

Սուրիոյ տնտեսութեան  մեծ  հարուած. Ամերիկեան  Տոլարը հասաւ  2000 -ի  սեմին

 Սուրիոյ    տնտեսական  ոլորտը  կ՚ապրի  բաւական   դժուարին  պահեր։

 Այս մասին տեղեկութիւնը տուած է «Էլ Նաշրա»  լրատուական  կայքը  նշելով, որ Սուրիոյ  մէջ այսօր ամերիկեան  տոլարին   սակը  անցած է  1900   լիրայի սահմանները։

 

 Աղբիւրը նաեւ կը հաղորդէ, որ   Սուրիոյ  մէջ  այս զարգացումներուն  ետին կան քաղաքական    ձեռքեր, որոնք   ծանր հարուած  կը փորձեն հասցընել   ռազմական գետնի վրայ    երկար ժամանակ  դիմացած  եւ ահաբեկչական խմբաւորումներուն դէմ համոզիչ  յաղթանակներ  տարած  Դամասկոսի  իշխանութեանց։

 

 

 Կը  նշուի նաեւ, որ ինչպէս ամն տոլարը, այնպէս ալ  ձոյլ  ոսկիի  սակագինը   մեծ  սղաճ գրանցած է  եւ վերջին տուեալներուն համաձայն  մէկ կրամ ձոյլ ոսկին  սկսած է վաճառուիլ  91.000 սուրիական  թղթոսկիով։

 

 Իրենց    կարգին   սուրիական  զարգացումներուն հետեւող     վերլուծաբաններ  նկատել տուած են, որ շատ  հաւանական է, որ  Դամասկոս    փորձելով առաջքը  առնել տնտեսական  մեծ  փլուզման    մտադիր է նոր կառավարութիւն մը կազմել։

 

 Յիշեցնենք, որ  նախքան   պատերազմը  Սուրիոյ  մէջ       ամերիկեան տոլարը գինն էր միմիայն     50 սուրիական ոսկի։