Ֆլորիտայի ԱՄՆ Ռազմածովային ուժերու Փենսաքոլա օդուժի զօրակայանի տարածքին մէջ մահացու հրաձգութենէ ետք զօրակայանի մերձակայքը կալանաւորուած է 6 սէուտցի, կը յայտնէ Fox News-ը:
Կասկածեալները հարցաքննուած են, յայտնած է աղբիւրը:
Վերջին տեղեկութիւններով՝ հրաձգութեան հետեւանքով զոհուած է 3 մարդ, ինքը՝ կրակողը ինքնասպան եղած է:
Հետաքննութիւններու դաշնային բիւրոն, որ այս գործով քննութիւն կը կատարէ, հրաժարած է քննութեան վաղ փուլին հրապարակել կասկածեալներու անունները, սակայն պաշտօնական աղբիւրը հեռուստաալիքին յայտնած է, որ հրաձիգը Սէուտական Արաբիայէն օդագնացութեան ուսանող Մոհամմէտ Սաիտ Ալշամրանին էր:
Տեղի ունեցածը ԱՄՆ բարձրաստիճան անձանց ստիպած է զօրակայանին մէջ անվտանգութեան միջոցառումներու եւ զինուորականներու ընդունման պայմաններու աւելի խոր ուսումնասիրման կոչ ընել:
Հեռուստաալիքի աղբիւրները յայտնած են, որ հրաձգութիւնը տեղի ունեցած է լսարանին մէջ, ուր սովորաբար ուսանողները ծրագրի շրջագիծէն ներս կ'անցընեն առաջին 3 ամիսները, եւ նշած է, որ հրաձիգը վերջերս ընդունուած է դասընթացներուն:
Միացիր մեզ Տելեգրամում
Միացիր մեզ Յութուբում
Կիսուիլ