Սուրիոյ հարաւը կառավարական բանակին յանձնուած զինուած խմբաւորման նախկին անդամները յարձակած են Ճիլին բնակավայրի (Դամասկոսէն 110 քմ հեռաւորութեան վրայ) ռազմակայանին վրայ, այս մասին կը յայտնէ Al Masdar-ը:
Աղբիւրի հաղորդմամբ՝ զինեալները իրենց վերահսկողութեան տակ առած են ռազմակայանը եւ շտապը` գերեւարելով խումբ մը սպաներ: Գերիներու յստակ թիւը չի հաղորդուիր:
Կը նշուի, որ զինեալները պահանջած են, որ Սուրիոյ իշխանութիւնները գերիները յանձնելու դիմաց ազատ արձակեն իրենց նախկին հրամանատար Հայսամ Ալ-Հարիրին, որ ձերբակալուած էր բանակի հետախուզութեան կողմէ:
Սուրիական զինուած ուժերու հրամանատարութիւնը դեռ չէ մեկնաբանած Ճիլինի մէջ տեղի ունեցած միջադէպը: