Սուրիոյ նախագահի խորհրդական Պուսայնա Շաապան, որ կը մասնակցի Միջազգային երկխօսութեան «Վալտայ»ի համաժողովին, ուշագրաւ յայտարարութիւններով հանդէս եկած է:
Շաապան ըսած է, որ «Այսօր աշխարհը շատ լաւ կը գիտակցի, որ արեւմտեան մամուլը կը շարունակէ կեղծ տեղեկութիւններ հաղորդել Սուրիոյ մասին, փորձելով ստեղծել հանրային կարծիք մը»:
Շաապան նաեւ նկատել տուած է, որ Միացեալ Նահանգներ ամէն ճիգ ի գործ կը դնէ, երկարաձգելու համար Սուրիոյ պատերազմը:
Սուրիոյ նախագահի խորհրդականը նաեւ նկատել տուած է, որ Միջին Արեւելքի մէջ ընթացող գործընթացները եւ պատերազմները կապ ունին այդ շրջաններուն մէջ առկայ նաւթի եւ հարստութիւններու հետ:
Ան նաեւ ծանր քննադատութիւններ յղած է Իսրայէլին, նկատելով, որ այդ երկիրը կը սատարէ Միջին Արեւելքի մէջ պատերազմներու երկարաձգման, ինչպէս նաեւ նոր պատերազմներու շղթայազերծման: