Լիբանանի նահատակ վարչապետ Ռաֆիք Հարիրիի այրին Նազէք Հարիրի մտադիր է վաճառել BankMed դրամատան մէջ իր ունեցած բաժնետոմսերը, այս մասին այսօր գրած է լիբանանեան «Ալ-Ախպար» օրաթերթը, նշելով նաեւ, որ նախկին վարչապետի տիկնոջ բաժնետոմսերը կը կազմեն դրամատան 15,51 առ հարիւրը:
Թերթը, որ այս մասին լրատուութիւն մըն ալ կատարած է, չի նշեր թէ ինչ պատճառներով եւ ինչ հիմքերով Լիբանանի վարչապետի այրին այս քայլին կ'երթայ:
Նշենք, որ Հարիրիի սպանութենէն ի վեր, անոր այրին Նազէք Հարիրի հաստատուած է Փարիզ եւ տարբեր առիթներով միայն կ'այցելէ Լիբանան: