25.09c
Երեվան
ուրբ, ապր 19
Շաբաթ երեկոյեան Մոսկուայի մէջ ինքնաշարժ մը խաղաղ քաղաքացիներու ուղղութեամբ ընթանալով 7 անձի մահուան պատճառ դարձած է:
«ԹԱՍՍ» լրատուական գործակալութեան փոխանցմամբ, յարձակում գործող ինքնաշարժը թաքսի էր, որ անցորդներու ուղղութեամբ յառաջանալով վթարի ենթարկած է զանոնք:
Աղբիւրը նշած է, որ նախքան Մոսկուայի մէջ կայացող Ֆութպոլի աշխարհի ախոյեանութեան մեկնարկը, բազմիցս կոչեր ուղղուած են զգուշանալու ահաբեկչական գործողութիւններու թիրախ դառնալէ:
Ռուս բարձրաստիճան պաշտօնեայի մը յայտարարութեան համաձայն, ոստիկանութիւնը ձերբակալած է ինքնաշարժի վարորդը, որուն մօտ խըրխըզիստանեան վարորդական վկայական յայտնաբերուած է:
Ոստիկանութիւնը չէ բացառած նաեւ, որ ինքնաշարժը վարորդին կամքէն անկախ կրնայ վերահսկողութենէ դուրս եկած ըլլալ:
