Հայաստանում մեկուսացման մեջ գտնվող անձանցից երկուսի կորոնավիրուսի թեստի պատասխանները դրական արդյունք են ցույց տվել: Այդ մասին քիչ առաջ հայտարարել է ՀՀ առողջապահության նախարար Արսեն Թորոսյանը, նշելով որ այսօր հաստատված երկու դեպքը նույն շրջանակից են, ինչ նախկին երեք դեպքը, այսինքն՝ առաջնակի վիրուսակիր հիվանդով և նրանից վարակված 4 անձով:
Նախարարը նաև հայտնել է, որ այս պահին նրանք իրենց լավ են զգում, հատուկ գանգատներ չունեն, միայն երբեմն ջերմությունն է բարձրանում, ինչ-որ ժամանակ հետո իջնում նորից:
Այսպիսով, մարտի 13-ի դրությամբ Հայաստանում կորոնավիրուսի 8 հաստատված դեպք կա: