Երեւանի կեդրոնը գտնուող՝ «Էրեբունի Փլազա» պիզնես կեդրոնին մէջ այսօր կրակոցներ հնչած են: «Էրեբունի Փլազա»-ի մէջ տեղակայուած է Հայաստանի երկրորդ նախագահ Ռոպերթ Քոչարեանի գրասենեակը, «5-րդ ալիք» հեռուստաընկերութիւնը։
Քիչ առաջ ոստիկանութիւնը հաղորդագրութեամբ տեղեկացուցած է, որ այսօր՝ ժամը 14:40-ին, ոստիկանութիւնը ահազանգ ստացած է, որ «Էրեբունի Փլազա» հիւրանոցին մէջ զինուած անձ կայ։
«Անմիջապէս դէպքի վայր մեկնած են դաշտային խումբեր։ Կը կատարուին անյետաձգելի աշխատանքներ։ Կ'ընթանան բանակցութիւններ», -ըսուած է ոստիկանութեան հաղորդագրութեան մէջ: Տուժածներ չկան: