image

Երեւանի մէջ յայտնաբերուած է ԱԱԾ նախկին տնօրէն Կեորկի Կուտոյեանի դին

Երեւանի մէջ յայտնաբերուած է ԱԱԾ նախկին տնօրէն Կեորկի Կուտոյեանի դին

Հայրենի լրատուամիջոցները կը հաղորդեն, որ Երեւան քաղաքի Պարոյր Սեւակի փողոցի բնակարաններէն մէկուն մէջ յայտնաբերուած է ԱԱԾ նախկին տնօրէն Կեորկի Կուտոյեանի դին՝ հրազէնային վիրաւորումով:

ՀՀ Քննչական կոմիտէի հասարակայնութեան հետ կապի եւ լրատւութեան վարչութեան պետ Նայիրա Յարութիւնեանը տեղեկացնելով այս մասին, նշած է՝

«ՀՀ ՔԿ նախագահ Հայկ Գրիգորեանի յանձնարարութեամբ այս պահին դէպքի վայր մեկնած են ՀՀ ՔԿ նախագահի տեղակալ, ՀՀ ՔԿ  Յատկապէս կարեւոր գործերով (ՅԿԳ)  քննութեան գլխաւոր վարչութեան պետ Արթուր Մելիքեանը, Յատկապէս կարեւոր գործերով (ՅԿԳ)  քննութեան գլխաւոր վարչութեան պետի տեղակալ Վ.Մեսրոպեանը:

Դէպքի վայրէն ներս կ'աշխատին ՀՀ ՔԿ Քանաքեռ- Զեյթուն վարչական շրջաններու քննչական բաժնի քննիչները՝ քննչական բաժնի պետ Հ. Գէորգեանի գլխաւորութեամբ»: