20 Յուլիսին ՀՀ Ազգային ժողովի այգիին մէջ կազմակերպուած է «Շախմատային ծիծեռնակներ» փառատօնը՝ նուիրուած Շախմատի միջազգային օրուան, կը տեղեկացնէ Ազգային ժողովի մամուլի ծառայութիւնը:
Խորհրդարանէն ներս կազմակերպուած միջոցառման մասնակցած են ՀՀ ԱԺ պատգամաւորներ, աւելի քան 120 ճատրակասէր երեխաներ ու պատանիներ Հայաստանի տարբեր մարզերէն ու Սփիւռքէն:
Ճատրակի փառատօնին ներկայ եղած եւ խաղերու ընթացքին հետեւած է Սքանտինաւեան երկիրներու ճատրակի ֆետերացիայի նախագահ Վիպեքէ Էքելանտ Պրոննը:
Ողջունելով մասնակիցները՝ ՀՀ ԱԺ գիտութեան, կրթութեան, մշակոյթի, սփիւռքի, երիտասարդութեան եւ սփորթի հարցերու մշտական յանձնաժողովի նախագահ Մխիթար Հայրապետեանը կարեւորած է Ճատրակի միջազգային օրուան շրջանակէն ներս Ազգային ժողովի կողմէ կազմակերպուած միջոցառումը՝ նշելով, որ այն նպատակ ունի նպաստելու Հայաստանի մէջ ճատրակի առաւել տարածմանն ու զարգացման:
Խորհրդարանի այգիին մէջ մի քանի ժամ շարունակ ընթացած է մրցապայքար, որու արդիւնքով առաջին երեք տեղերը համապատասխանաբար զբաղեցուցած են պատանի ճատրակիստներ Ռոպերթ Փիլիպոսեանը՝ առաջին տեղ, Ռոպերթ Մուրատեանը՝ երկրորդ տեղը, իսկ երրորդ տեղը զբաղցուցած է Բենիկ Ագասարովը:
Մրցաշարի յաղթողները շնորհաւորած եւ մրցանակներ, պատուոգրեր ու շնորհակալագրեր յանձնած է ՀՀ ԱԺ գիտութեան, կրթութեան, մշակոյթի, սփիւռքի, երիտասարդութեան եւ սփորթի հարցերու մշտական յանձնաժողովի նախագահ Մխիթար Հայրապետեանը: