image

«Հմայիչ Հայաստանը՝ Պիքֆայայի մէջ». Ամին Ժըմայէլին հիւրասիրած են հայկական քոնեաք ու չիր

«Հմայիչ Հայաստանը՝ Պիքֆայայի մէջ». Ամին Ժըմայէլին հիւրասիրած են հայկական քոնեաք ու չիր

Երէկ Լիբանանի հանրապետութեան Պիքֆայա քաղաքի Հանրային այգիին մէջ բացուած է դեղձի միջազգային երկօրեայ փառատօնը, որուն մասնակցած է նաեւ Հայաստանը՝ ներկայացնելով ազգային աւանդոյթներ: Հայաստանեան պատվիրակութիւնը Լիբանանի Պիքֆայա քաղաք մեկնած է  Պիքֆայայի քաղաքային խորհուրդի անդամ Վահէ Գալինճեանի հրաւէրով և հովանաւորութեամբ: Պիքֆայայի քաղաքապետարանը Հայաստանի մասնակցութիւնը խորագրած էր «Հմայիչ Հայաստանը Լիբանանի մէջ»:

Հայաստանէն ժամանած պատուիրակութեան մաս կը կազմեն «Ժողովրդական արուեստի հանգոյց» կրթամշակութային հիմնադրամը` հայկական գորգերու  ցուցադրութեամբ ու վարպետութեան դասերով, «Գորիսի կանանց զարգացման ռեսուրս կեդրոն հիմնադրամը»` Գորիս քաղաքի բնական բուրդէ պատրաստուած գորգերու, ինչպէս նաեւ այլ ձեռագործ իրերու ու խաղալիքներու ցուցահանդէսով ու վարպետութեան դասով, «ԱրմՌութ» ապրանքանիշը` հայկական ճարտարապետութեան ու ուրարտական արուեստի նիւթերով պատրաստուած արծաթեայ զարդերու ցուցադրութեամբ, «Արփի Աւդալեան» ապրանքանիշը` ասեղնագործերու ու համանուն զարդերու ցուցադրութեամբ, «Մուրադեան» ապրանքանիշը` հայկական ասեղնագործութենէն ներշնչուած զարդերու ու հագուստի ցուցադրութեամբ, ինչպէս նաեւ խումբին կ՛ուղեկցին եւ ելոյթ պիտի ունենան տաղանդաւոր երիտասարդ երաժիշտներ Արփինէ Տորոզեանը տուտուկի ու Սուսաննա Մանասերեանը քանոնի երաժշտական կատարումներու նուագակցութեամբ:  Տեղի ունեցած է նաեւ հայկական ազգային ուտեսներու պատրաստման վարպետութեան դաս, ինչպէս նաեւ հիւրասիրութոիւն հայկական քոնեաքով, քաղցրաւէնիքով ու չիրերով...

Ցուցահանդէսին ներկայ եղած են Լիբանանի նախկին նախագահ Ամին Ժըմայէլը, Զբօսաշրջութեան նախարար Աւետիս Կիտանեանը, Լիբանանի խորհրդարանի հայ պատգամաւոր Յակոբ Բագրատունին, Լիբանանի մէջ ՀՀ դեսպան Վահագն Աթաբեկեանը, Պուրճ Համուտի քաղաքապետ Մարտիկ Պօղոսեանը, այլ պաշտօնեաներ: 

Հայկական տաղաւարը Պիքֆայայի մէջ պիտի  գործէ նաեւ այսօր: 

 

Լուսանկարում՝ Լիբանանի նախկին նախագահ Ամին Ժմայելի որդուն՝ քաղաքական գործիչ Սամի Ժմայելին հայկական կոնյակ են հյուրասիրում