Արտակարգ իրավիճակներու նախարարութիւնը կը տեղեկացնէ, որ 20 ապրիլին, ժամը 00:00-ի դրութեամբ ՀՀ տարածքին փոխադրամիջոցներու ճանապարհները անցանելի են:
Դժուարանցանելի է Սոթք-Քարվաճառ ճանապարհը:
Գեղարքունիքի մարզի, Վարդենեաց լեռնանցքի, Վայոց ձորի մարզի Ջերմուկ քաղաքի, Սարաւան-«Զանգեր» հատուածի, Կոտայքի մարզի Հրազդան, Տաւուշի մարզի Դիլիջան, Սիւնիքի մարզի Սիսիան, Գորիս քաղաքներու եւ «Մեղրիի սար» կոչուող հատուածի, Արագածոտնի մարզի Ապարանի եւ Արագածի տարածաշրջաններուն մէջ առկայ են տեղումներ ձիւնի տեսքով:
Սիւնիքի մարզի Քաջարան քաղաքի, Կարմրաքար գիւղի եւ «Մեղրիի սար» կոչուող հատուածուին մէջ առկայ է մառախուղ:
Վրաստանի տարածաշրջանային զարգացման եւ ենթակառուցուածքներու նախարարութեան ճանապարհային բաժանմունքէն ստացուած տեղեկութեան համաձայն՝ Ստեփանծմինդա-Լարս ճանապարհը բաց է բոլոր տեսակի մեքենաներու համար: