18.09c
Երեվան
ուրբ, ապր 19
Հայաստանեայց Առաքելական Ս. Եկեղեցին Տէր Յիսուս Քրիստոսի` Երուսաղէմ յաղթական մուտքի յիշատակը` Ծաղկազարդը, այս տարի կը տօնախմբէ 14 ապրիլին:
Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Կաթողիկոսի օրհնութեամբ տօնը տարիներ առաջ նաեւ հռչակուած է որպէս մանուկներու օրհնութեան օր:
Տօնի առիթով Միածնաէջ Մայր Տաճարի շրջափակին մէջ ժամը 10:00-ին, հանդիսապետութեամբ Ամենայն Հայոց Կաթողիկոսի, տեղի պիտի ունենայ Անդաստանի արարողութիւն եւ մանուկներու օրհնութիւն:
Մայր Աթոռի միաբանութիւնը ժամը 11:00-ին Ս. Պատարագի արարողութեան պիտի մասնակցի Սուրբ Գայեանէ վանքին մէջ, որու աւարտին տեղի կ'ունենայ մանուկներու օրհնութեան կարգ:
Երեկոյեան` ժամը 17:30-ին, Սուրբ Գայեանէ վանքին մէջ պիտի կատարուի Դռնբացէքի արարողութիւն:
