27.09c
Երեվան
ուրբ, ապր 19
15 Փետրուարին Ն.Ս.Օ.Տ.Տ. Գարեգին Բ Ծայրագոյն Պատրիարք եւ Ամենայն Հայոց Կաթողիկոսը ցաւակցագիր յղած է Իրանի Իսլամական Հանրապետութեան նախագահ Հասան Ռոհանիին՝ Իրանի Սիսթան-Պելուճիսթան նահանգին մէջ Խաշ-Զահետան մայրուղիի վրայ տեղի ունեցած սարսափելի ահաբեկչութեան կապակցութեամբ, որ պատճառ դարձած է մարդկային անմեղ զոհերու։
Հայաստանեայց Առաքելական Սուրբ Եկեղեցւոյ հոգեւոր դասի եւ հաւատացելոց անունով վշտակցութիւն յայտնելով նախագահ Ռոհանիին, Իրանի բարեկամ ժողովրդին եւ զոհերու ընտանիքներուն` Ամենայն Հայոց Կաթողիկոսը հայցած է Բարձրեալի մխիթարութիւնն ու սփոփանքը բոլոր սգակիրներուն համար:
Շուտափոյթ ապաքինում ցանկալով ահաբեկչութիւնէն տուժած վիրաւորներուն` Նորին Սրբութիւնը մաղթած է, որ Աստուած աջակից ու օգնական ըլլայ Իրանի ողջ ժողովուրդին։
