25.09c
Երեվան
ուրբ, ապր 19
ՀՀ փոխադրութեան, կապի եւ տեղեկատուական թեխնոլոկիաներու նախարարութիւնը կը տեղեկացնէ, որ 14 յունուարին՝ ժամը 09:30-ի դրութեամբ, Ապարանի, Սպիտակի, Հրազդանի, Վայքի եւ Արմաւիրի տարածաշրջաններու ինքնաշարժի ճանապարհներուն ձիւն կը տեղայ:
Գորիս-Սիսիան ճանապարհահատուածին բուք է:
Բաղրամեանի, Մարտունիի, Եղեգնաձորի ինքնաշարժի ճանապարհներուն եւ Թալին-Մաստարա-Լանջիկ ճանապարհահատուածին տեղ-տեղ մերկասառոյց է:
Թալինի տարածաշրջանի ինքնաշարժի ճանապարհներուն մառախուղ է, տեսանելիութիւնը՝ 50-60 մեթր:
Վարդենեաց լեռնանցքը բուքի պատճառով դժուարանցանելի է մարդատար մեքենաներու համար, իսկ ծանրաքաշ եւ կցորդիչով փոխադրային միջոցներու համար փակ է:
ՀՀ միջպետական եւ հանրապետական նշանակութեան բոլոր ինքնաշարժի ճանապարհները բաց են:
Ճանապարհաշինարարները ճանապարհներուն կը կատարեն մաքրման եւ աղով, աւազով մշակման աշխատանքներ:
Միջպետական եւ հանրապետական նշանակութեան ճանապարհներու վիճակի վերաբերեալ ամբողջական տեղեկատւութիւն քաղաքացիները կրնան ստանալ ինչպէս նախարարութեան պաշտօնական կայքէն (www.mtcit.am, ինչպէս նաեւ www.ard.am), այնպէս ալ նախարարութենէն ներս շուրջօրեայ գործող (010) 56-25-33 տեղեկատու հեռախօսահամարով:
