27.09c
Երեվան
ուրբ, ապր 19
Էջմիածինի քաղաքապետ Կարէն Գրիգորեանը երէկ գիշեր ֆէյսպուքեան իր էջին միջոցաւ տեղեկացուցած է, որ իր կամքով հրաժարական կու տայ։
«Ես` Կարէն Գրիգորեանս, տալիս եմ իմ հրաժարականը` իմ կամքով»,– գրած է ան:
Յիշեցնենք, որ մի քանի օր է, որ Էջմիածինի մէջ բողոքի ցոյցեր տեղի կ'ունային՝ քաղաքապետ Կարէն Գրիգորեանի հրաժարականի պահանջով։
Կարէն Գրիգորեանը Էջմիածինը կը ղեկավարէր 2008 թուականէն։
2005-2008 թուականներուն եղած է Էջմիածինի քաղաքապետի 1-ին տեղակալ:
2008-ի հոկտեմբերի 19-ին ընտրուած է Էջմիածինի քաղաքապետի պաշտօնին:
2012-ի սեպտեմբերի 9-ին վերընտրուած է Էջմիածինի քաղաքապետի պաշտօնին:
2016-ի սեպտեմբերի 18-ին վերընտրուած էր Էջմիածինի քաղաքապետի պաշտօնին:
Կարէն Գրիգորեանը ստացած էր 10 հազար 587 քուէ, անոր մրցակից Արթուր Թումանեանը` 3 հազար 651, իսկ Արթուր Խաչատրեանը` 504 քուէ:
