Ունենալու ենք ինքնիշխան ազատ եւ անկախ պետություն.Եվրոպայի Հայերի Համագումարի կոչը... Հրապարակվել են ընտրությունների նախնական արդյունքները. ԱԺ է անցնում երեք ուժ... Եգիպտոսի Մշակույթի առաջին կին նախարարը հայտնի ֆլեյտահարուհի է... 80 տարի առաջ Էջմածնում սպանված կաթողիկոսը...
Բուլղարիայի Հանրապետության նախագահը այցելեց Մայր Աթոռ Սուրբ Էջմիածին
Բուլղարիայի Հանրապետության նախագահը այցելեց Մայր Աթոռ Սուրբ Էջմիածին
14 February 2018 , 09:47

Փետրվարի 13-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Բուլղարիայի Հանրապետության նախագահ Ռումեն Ռադևին տիկնոջ` Դեսիսլավա Ռադևայի հետ՝ ուղեկցությամբ Հայաստանի Հանրապետության Արտաքին գործերի նախարար Էդվարդ Նալբանդյանի:

Նորին Սրբությունը, ողջունելով Բուլղարիայի նախագահի այցը Հայաստան և Մայր Աթոռ Ս. Էջմիածին, գոհունակությամբ հաստատեց, որ այն նոր խթան պիտի դառնա երկու երկրների միջև տարբեր ոլորտներում երկկողմ համագործակցության ընդլայնման համար: Ամենայն Հայոց Կաթողիկոսն ընդգծեց, որ դեռևս միջնադարից եկող հայ-բուլղարական պատմական սերտ կապերն ամուր հիմք են միջպետական գործակցության հետագա զարգացման համար: Դրանում Վեհափառ Հայրապետը մեծապես կարևորեց Բուլղարիայի հայ համայնքի դերակատարությունը:

Ամենայն Հայոց Կաթողիկոսը նաև իր գնահատանքը փոխանցեց Բուլղարիայի իշխանություններին հայ համայնքի և Հայոց թեմի նկատմամբ ցուցաբերվող հոգածու վերաբերմունքի համար, ինչը հնարավորություն է տալիս Բուլղարիայի հողում հաստատված պատմական համայնքին ազատորեն ապրելու հոգևոր-ազգային կյանքով և անքակտելի մասը կազմելու բուլղար հասարակության: Նորին Սրբությունը նշեց, որ անձամբ ականատեսն է եղել այդ իրողության Բուլղարիա կատարած հովվապետական այցի ընթացքում:

Իր հերթին նախագահ Ռադևը, շնորհակալություն հայտնելով Գարեգին Բ Կաթողիկոսին ընդունելության և քրիստոնեական հնագույն սրբավայր այցելելու հնարավորության համար, անդրադարձավ Հայաստան այցի արդյունքներին և իր տպավորություններին: Բուլղարիայի նախագահը նշեց, որ այցը լավ հեռանկարներ է բացում հայ-բուլղարական հարաբերությունների ընդլայնման համար:

Պրն. Ռումեն Ռադևն անդրադարձ կատարեց նաև երկու ժողովուրդների պատմության ընդհանրություններին` կարևորելով Եկեղեցու դերակատարությունը ազգային ինքնության ձևավորման, կրթության ու մշակույթի զարգացման գործում: Խոսելով Բուլղարիայում հայկական համայնքի մասին՝ նախագահն ընդգծեց, որ այն իր ուրույն դիմագիծն ունի, ամբողջապես ինտեգրվել է հասարակական կյանքին, և որ հայերը գտնվում են մշակույթի և այլ ոլորտների առաջատար դիրքերում:

Զրույցի ընթացքում խոսվեց նաև Հայաստանյայց Առաքելական և Բուլղար Ուղղափառ Եկեղեցիների միջև առկա ջերմ հարաբերությունների մասին: Այս կապակցությամբ Հայոց Եկեղեցու Հովվապետն եղբայրական իր ողջույններն ու բարեմաղթանքները փոխանցեց Բուլղար Եկեղեցու պետին` Նորին Սրբություն Նեոֆիտ Պատրիարքին: Վեհափառ Հայրապետը նաև հավաստիացրեց, որ ինչպես անցյալում, այնպես և այսուհետև երկու Եկեղեցիներն ամենայն ջանադրությամբ նպաստելու են հայ և բուլղար ժողովուրդների բարեկամության ամրապնդմանը:

Վերջում Ամենայն Հայոց Կաթողիկոսը Բուլղարիայի նախագահ Ռումեն Ռադևին մաղթեց արգասաբեր ծառայություն` ի պայծառություն Բուլղարիայի և ի բարօրություն նրա բարեսեր ժողովրդի: Նորին Սրբությունը նաև Բարձրյալի Ամենախնամ Աջի հովանին հայցեց Բուլղարիայի ժողովրդին և նրա առաջընթաց կյանքին:

Հանդիպմանը ներկա էին Մայր Աթոռի Արտաքին հարաբերությունների և արարողակարգի բաժնի տնօրեն Գերաշնորհ Տ. Նաթան արքեպիսկոպոս Հովհաննիսյանը, Բուլղարիայի Հայոց թեմի առաջնորդ Հոգեշնորհ Տ. Իսահակ վարդապետ Պողոսյանը, Բուլղարիայի Հանրապետությունում ՀՀ արտակարգ և լիազոր դեսպան Արմեն Սարգսյանը և ՀՀ-ում Բուլղարիայի Հանրապետության արտակարգ և լիազոր դեսպան Մարիա Պավլովա Ցոցորկովա-Կայմակչիեվան:

Բուլղարիայի Հանրապետության նախագահի գլխավորած պատվիրակությունն այցելեց նաև Մայր Տաճար, ծանոթացավ Ավանդատուն-թանգարանում ցուցադրվող Հայ Եկեղեցու սրբություններին և եկեղեցական մշակույթի արժեքներին:

 

Լրահոս
Ամենաընթերցվածը
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture